Հրապարակումներ / ԱՊՊԱ, թե՞ ԿԱՍԿՈ

ԱՊՊԱ, թե՞ ԿԱՍԿՈ

Բոլոր վարորդները գիտեն, որ ներկայումս Հայաստանի Հանրապետությունում գործում է ավտոտրանսպորտային միջոցների օգտագործումից բխող պատասխանատվության պարտադիր ապահովագրությունը՝ ԱՊՊԱ։ ԱՊՊԱ-ից բացի՝ ապահովագրողները վարորդներին առաջարկում են կամավոր հիմունքներով ձեռք բերել նաև տրանսպորտային միջոցների ապահովագրություն (ԿԱՍԿՈ)։

Ո՞րն է այս երկու ծածկույթների միջև տարբերությունը․

ԱՊՊԱ

• Ձեր պայմանագիրը գործում է այն դեպքում, երբ վնաս եք հասցնում երրորդ կողմին և ծածկում է պատահարում տուժած կողմի գույքին կամ առողջությանը հասցված վնասը
• Չի ծածկում Ձեր ավտոմեքենային հասցված և Ձեր կրած անձնական վնասները, երբ Դուք եք մեղավոր պատահարում
• Պարտադիր է բոլոր վարորդների համար

ԿԱՍԿՈ․

• Ծածկում է հետևյալ ռիսկերը՝
  
  • ավտոմեքենայի կամ դրա մասերի գողություն, կողոպուտ, ավազակություն
  • հրդեհ, պայթյուն, ինքնաբռնկում
  • կենդանիների, առարկաների կողմից կամ երրորդ անձանց գործողությունների հետևանքով մեքենային հասցված ֆիզիկական վնասներ
  • բնական աղետների հետևանքով առաջացած վնասներ
  • ՃՏՊ-ների հետևանքով կրած վնասներ
• Կարող է ներառել մասնակի կամ ամբողջական վերանորոգում՝ կախված վնասի չափից և տեսակից
• Չի փոխարինում ԱՊՊԱ-ին, այլ լրացնում է այն։

Ամփոփելով՝ ԱՊՊԱ-ն հատուցում է ապահովադրի կողմից երրորդ անձանց հասցված, իսկ ԿԱՍԿՈ-ն՝ ապահովադրի կրած վնասները․ իսկ միասին դրանք ապահովում են լիարժեք պաշտպանություն ճանապարհին։